WIRIDAN 019: PUJIAN SHOLAT DZUHUR

PUJIAN  SHOLAT  DZUHUR

رَبَّنَا يَارَبَّنَا ظَلَمْنَا أَنْفُسَنَا وَإِنْ لَّمْ تَغْفِرْلَنَا وَتَرْحَمْنَا لَنَكُوْنَنَّ

مِنَ الْخَاسِرِيْنَ

Turunane Ibu Hawa Bapa Adam

Gelem netepi pengaturan Iman Islam

Gage wudhu tandang sholat rong roka’at

Gawe gedong ning suarga nikmat rohat

Gedong suarga bata emas perak selaka

Mambu  kasturi  ja'faron kangge dika

Sapa wonge pengen sugih dunya akhirat

Awan kerja bengi kerja aja keliwat

 

Ayu sholat kula kabeh berjamaah

Gagian kumpul berjamaah olih hikmah

Ya hikmahe wongkang solat berjamaah

Drajat pitu likur seneng nemu bungah

Senajana ora khusyu ning atine 

Sebab nyata imam lan makmum pada bodone 

Ya ditrima sholate banget rageme

Niyat ngurip-ngurip Agama Islame

Batuk niba sikil madal sujud syukur

Dedongane mugi slamet subur makmur

Allah Allah ya Allah Gusti Pengeran

Nuhun kiyat ibadah kula lagi blajaran

Mlarat ning dunya olih mangan olih nginum
Mlarat akherat mangane ya mung Ri Zakum

Ora manjing ora metu ning gorokan
Dadi nutupi maring dalane ambekan 

Wong ning neraka jerat jerit jaluk nginum
Nggo ngilangaken serete mangan ri zakum

Den inumi godogan timah banget panase
Usus ambrol daging ambrol pada rantase

Aduh gusti awak kula ya kepripun

Balik sing dunia mlebu kubur dadi getun

Aduh awak kagila-gila bodone

Tiwas pegel ibadah kula langka kanggone

Ayu donga muja muji awak kula
Nuhun dirobah nasib kula ingkang ala

Gusti nuhun panjang umur jembar rezeki
Mugi Allah nolak blai sa’ puniki

Amin Amin Ya Allah Robbul ‘alamin
Nuhun diqobul donga kula tiang miskin

                       Amin-amin Ya Allah Robul 'alamin

Mugi kula dadi golongan wong mu'min

Amin Amin Ya Allah Robbul alamin
Mugi slamet sedayane tiang mu’min