MUTIARA NADZOM 012

MUTIARA NADZOM 012

Gusti sinuhun nawuri sorban

Ngideri mesjid minangka hudan

Dipun beber Nyai Mas Ayu

Gandasari saking Dermayu

Duh Gusti sae temen

Sorban niki kangge sinten

Jawab Gusti sorban niki

Kangge umat Kanjeng Nabi

Umat ing kang purun sholat

Serta nurut perentah sunnat

Perentah Allah kang den pasti

Ora tinggal sampe mati

Lamun sira dadi wong mampang

Alamat   bakal    ke jurang

Prentah Alloh Prentah Rosul

Ahli Nabi dipun singkur

Ngaku bisa ning syahadat

Takabur kang luwih berat

Berate ngaku bisa

Mangka Alloh bakal nyiksa

Siksane    kasia - sia

Sira nyingkur ning wong mulya

Aja sambat kaniyaya

Bakal teka mungsuh ira

Sing kandel-kandel kulite

Sing akas-akas balunge

Sing tegas penjawabane

Diganden mangsa wurunga

Ya Muhaiminu Ya Salaam

Nuhun Rohmat sarta Salam

Ning Kanjeng Nabi sarta kholifah

Ali Nabi Siti Khodijah

Ya Muhaiminu Ya Salaam

Nuhun Rohmat sarta Salam

Ning Kanjeng Nabi ning adepan

Ayu matur mungpung sowan

MUTIARA NADZOM 011

Mutiara Nadzom 011

Ibadah Antarane Maghrib lan ‘Isya

Lan ibadah antarane Maghrib ‘Isya

Tinggal ngobrol ngajiya kang durung bisa

Sapa wonge Sholat ‘Isya berjama’ah

Persasate sholat dalu ya setengah

Berjama’ah waktu Shubuh sira gageh

Ya sawengi persasate sholat kabeh

Bengi awan dadi tunggangan karone

Mangka nungganga sira ing sekarone

Kanggo sangu tumeka maring akherat

Lamun ora duwe sangu tetep melarat

Sapa wonge pengen sugih dunya akherat

Awan kasab halal bengi go munajat

Sapa wonge pengen selamet dunya akherat

Awan kerja bengi kerja aja keliwat

Batuk niba sikil madal sujud syukur

Dedongane mugi selamet subur ma’mur

Untung temen jam telune kita melek

Kita melek amal soleh go kita dewek

Wong ning laki wajib toat lawan bakti

Sampe tuwa wajib to’at lubar mati

Ayu batur tandang eling maring mati

Aja gingsir sabab mati bakal bukti

Lali maring mati sasar kang pertela

Ora tandang tobat tetep tingkah ala

Ayu santri gageh deleng maring ayat

Enggal tobat mungpung durung teka la’nat

MUTIARA NADZOM 010

Mutiara Nadzom 010

Sholat Dhuha

                                                          

ثُمَّ الضُّحَى صَلِّ وَ لاَ تَدَعِ الْفِكَر

                        بِهُجُوْمِ مَوْتٍ وَ التَّحَسُّرِ وَ الْبِلاَ

Sholat Dhuha lan aja tinggal pikiran

Teka pati lan susah lan busuk badan

Aduh awak kita nelangsa kerusakan

Dhuha Tahajjud madangaken ning kuburan

اُصَلِّيْ سُنَّة الضُّحَى رَكْعَتَيْنِ لِلّهِ تَعاَلَى اللهُ اَكْبَرُ

Sujud ingkang akhir piyambek maca iki patang puluh papat (44) ambalan.

Sejerone Sujude Sholat Dhuha :

ياَ فَتَّاحُ ياَ رَزَّاقُ ياَ رَحْمنُ ياَ رَحِيْمُ

MUTIARA NADZOM 009

Mutiara Nadzom 009

Sholat Isyroq

حَتَّى اِذاَ شَمْسٌ بَدَتْ كَرُمَيْحِناَ

                                صَلَّى لِاِشْراَقٍ وَ قُرْاناً تَلاَ

Yen srengenge munjuk kadar sapanumbak

Pada ngelakonana Sholat Sunnah Isyroq

Lagan maca Qur’an sehizib kidike

Utamane macane kang luwih akeh

اُصَلِّيْ سُنَّة الْاِشَراَقِ رَكْعَتَيْنِ لِلّهِ تَعاَلَى اللهُ اَكْبَرُ